اللہ کے کلام سے

 قُلْ إِنِّي أُمِرْتُ أَنْ أَعْبُدَ اللَّهَ مُخْلِصًا لَهُ الدِّينَ  وَأُمِرْتُ لأنْ أَكُونَ أَوَّلَ الْمُسْلِمِينَ   قُلْ إِنِّي أَخَافُ إِنْ عَصَيْتُ رَبِّي عَذَابَ يَوْمٍ عَظِيمٍ   قُلِ اللَّهَ أَعْبُدُ مُخْلِصًا لَهُ دِينِي   فَاعْبُدُوا مَا شِئْتُمْ مِنْ دُونِهِ قُلْ إِنَّ الْخَاسِرِينَ الَّذِينَ خَسِرُوا أَنْفُسَهُمْ وَأَهْلِيهِمْ يَوْمَ الْقِيَامَةِ أَلا ذَلِكَ هُوَ الْخُسْرَانُ الْمُبِينُ   لَهُمْ مِنْ فَوْقِهِمْ ظُلَلٌ مِنَ النَّارِ وَمِنْ تَحْتِهِمْ ظُلَلٌ ذَلِكَ يُخَوِّفُ اللَّهُ بِهِ عِبَادَهُ يَا عِبَادِ فَاتَّقُونِ   وَالَّذِينَ اجْتَنَبُوا الطَّاغُوتَ أَنْ يَعْبُدُوهَا وَأَنَابُوا إِلَى اللَّهِ لَهُمُ الْبُشْرَى فَبَشِّرْ عِبَادِي   الَّذِينَ يَسْتَمِعُونَ الْقَوْلَ فَيَتَّبِعُونَ أَحْسَنَهُ أُولَئِكَ الَّذِينَ هَدَاهُمُ اللَّهُ وَأُولَئِكَ هُمْ أُولُو الألْبَابِ

سورۃ زمر 18-11

” کہو: مجھے حکم ہے کہ میں بندگی کروں اللہ کی، اُسی ایک کیلئے دین کو خالص کر رکھتے ہوئے۔ اور مجھے حکم ہے کہ سب سے پہلا فرماں بردار میں بنوں۔ کہو: میں ڈرتا ہوں، اگر میں اپنے رب کے حکم سے سرتابی کروں، ایک بڑے دن کے عذاب سے۔ کہو: میں تو اللہ ہی کی بندگی کروں گا، اُسی ایک کیلئے اپنے دین کو خالص کر رکھتے ہوئے، تم جس کی چاہو بندگی کرتے پھرو۔ کہہ دو: یقین کر لو، ہار جانے والے دراصل وہ ہیں جو قیامت کے روز اپنا آپ اور اپنا اہل و عشیرہ ہی ہار بیٹھیں گے۔ خبردار! یہی ہے کھلی ہار۔ ان کیلئے سائبان ہوں گے آگ کے اوپر سے اور آگ ہی کے سائبان نیچے سے۔ یہ ہے وہ چیز جس سے اللہ اپنے بندوں کو ڈراتا ہے، تو اے میرے بندو مجھ سے ڈرو۔ اور وہ لوگ جو دامن کش ہوئے طاغوتوں سے، کہ ان کی بندگی کرنے لگیں، اور جو پلٹ پلٹ کر اللہ کی جانب رجوع کرنے لگے، ان کیلئے نویدِ مسرت ہے، تو پھر (اے نبی) نویدِ مسرت دے دو میرے اِن بندوں کو جو کان لگا کر بات کو سنتے ہیں اور اس کے بہترین (پہلو) کی پیروی کرتے ہیں۔ یہی ہیں جنہیں اللہ نے ہدایت بخش دی ہے، اور یہی ہیں عقلوں والے“